الدارمي حوار البنت والام
الام
يمه الاجه ابن جواد موش ابن غربه
اصل الستر والطيب واصل المحبه
البنت
اليخطبني لازم كون انه الاريده
عنده قصر واموال وسويچه بيده
الام
ابكبرج واجه الخطاب كتلهم ارضه
جابولي خام الشام والحجل فضه
البنت
يمه زمانج راح بيه انظلمتي
وذاك الوكت مرفوض مو مثل وقتي
الام
عشنا ابوفه وبطيب كل الليالي
لا زفه لا كنتور لا مهر غالي
البنت
اعرف بنات هواي عزن نفسهن
اتكلف الف دينار بدلت عرسهن
الام
اشرايج لون زنكين عالحسن حبج
وملج بعد شهرين واعلينه ذبحج
البنت
بنتج بعدها اليوم حلوه وزغيره
مو مشكله امن ايروح يخطبني غيره
الام
بس جلمه عندي وياج وللله الشهاده
بلوفه وبالاخلاص سر السع
البنت
اخر كلام اوياج متطوره انه
والمايجيب المال شلي بحنانه
الام
اختاري والله وياج ياسلوة العين
امج واعرفج زين باجر تندمين
الأربعاء سبتمبر 10, 2008 1:43 pm
