أسئلة غريبة نتعرض لها يوميا مع اجوبة تحشيشية(باللهجة العراقية)

جتي ببالي أسئلة نتعرض الها بشكل مستمر يسألونة اهلنة..جيراننا..اصدقائنا..وما ننتبه انها أسئلة غريبة جدا وغير منطقية جدا.اليكم بعضا من هذه الاسئلة مع اجوبة تحشيشية لها ان شاء تعجبكم.(باللهجة العراقية)

*انت كاعد على القريولة مالتك ومطفي الضوة ومتغطي بالبطانية يجي واحد من اهلك ويفتح الباب ويكلك..ها عبود شنو نايم؟؟؟؟؟؟؟؟ لا دارقص واغني بس انت دتتخيل اني نايم

*معزومين يم جماعة ووصلتوا دكيتوا الباب يفتحلكم واحد من اهل البيت ورأسا يكللكم..ها جيتوا؟؟؟؟؟؟ لا بعدنة على الطريق بعد نص ساعة ونوصل لطويريج شوية ازدحام

*لابس هدومك الحلوة ومتعطر والجل على شعرك يخبل وبيدك ميدالية مال سيارتك(اذا عندك سيارة)تجي امك وتكول..ها ابني طالع؟؟؟؟؟ لا ماما داطلع للسطح واعدل الدش مال ستلايت بلكي يطلعلي قناة عرعر

*لازم الكتاب لو الملزمة وكاعد دتقرة لان باجر عندك امتحان وناثر الكتب حواليك والاوراق مطشرة بكل مكان يطب ابوك ويكلك..ها ابني دتقرة؟؟؟ لا يابة دأبدل الدهن مال السيارة ودأصلح الكابريتر

*توك لازم السماعة مال التليفون وتريد تخابر صديقك(لو صديقتك) وبديت تدك بالارقام تجي اختك وتسألك..شنو دتخابر؟؟؟؟؟؟ لا داسوي زلاطة بس السجينة عمية ومدتنكص الطماطة وياية

*واحد يأشر لتكسي . التكسي يوكفله.يكله للسايق..فارغ؟؟؟؟ لا عندي اربع خطوط مال مدارس لازم اجيبها واريد اتسوك قبلهه واشتري لحم وأشتري رقية وادفع قائمة الكهرباء

*راكب نفرات بكيا..اطلع (ربع دينار) وتنطيهه للكدامك. الكدامك يسألك..واحد عيوني ؟؟؟ لا عيوني ل20 واحد ورجعلي الباقي .. تريد تنزل من الكيا تكوله للسايق..على اليمنة بلية زحمة.. السايق يسألك..شنو تريد تنزل؟؟؟ لا دأجرب حسي..أشوفه حلو لو محلو من احجي

loooooooooooooooooooooooooool

فعلا ما أعرف الناس متى د تشغل عقلها قبل ما تسأل عشان ما تتورط

وتنصدم من الاجابه ؟؟؟؟؟؟؟!!!!!!!

يسلمو دياتك

شكرا عل المرور

ههههههههههه مشكور

شكرا عل المرور

» انا وليلى باللهجة العراقية ....
» هل تعلم انك تشرب الخمر يوميا !!!!!
» اجمل اسئلة من ادم وأجمل اجوبة من حواء!!!!
» كم هي عدد ساعات النوم التي يحتاجها جسمك يوميا ؟؟
» اسئلة واجوبة اجوبة ربما لأول مرة تعلمون بها..