كيف قدرها ..
باعني نسى ودي وحياتي دمرها ..
كيف قدرها .. ذاك الغالي اللي فرحتي ودرها ..
كيف قدرها .. باع صوبي دمرني حتى الدم بطل يجري بعروقي ..
وكيف قدرها ..
قدر على الخونة وانا اللي كنت نحساب روحي ماليتله اعيونه .
خلاني في عذابي كي وحدة مجنونة ..
وكيف قدرها ..
حول من يلايا ذاك اللي حسبت غلاه كيف غلايا ..
باعني نسى حبي دارني تسلايا ..
وكيف قدرها ..!
راني يا العزيز ماني ساهلة ..ان كان بعت غلاي ما نرجعلك ماني جاهلة ..
وحطها في راسك يا العزيز راني نقدر انهمه ساسك .. وندمك على فراقي وما اطيق انفاسك .. وحطها في راسك
وماني زي قبل انسامح ونعديلك .. يا العزيز ما عاد نبي نسهر ليلك .. الباين انك داير غلانا بجميلك ..
وكيف ما قدرت فراقي نقدر ننساك .. وكيف ما اهتميت لحالي ماتحلم تاني انكون حداك وكيف ما تعبتلك ليالي يلا خود العذاب والدموع امعاك ..
وعيني لا ما عاد تلهف عليك ..كيف ما تركت يدي من بعد ما كانت شادة في ايديك .. حياتي راهي عايشتها بلاك ولا بيك . .... مع تحياتى ... وفاء ليبيا
الأحد سبتمبر 06, 2009 1:16 am