السلام عليكم ورحمة الله وبركاته وترحل تحسبني لا رحلت اقدر على النسيان !
وانا اللي لا طرا طاري رحيلك ضعت بشتاتي . .
دخيلك ،، بسألك لا رحت منهو بيننا الخسران ؟
أنا والاّ انت ؟
جاوب قبل ما تكتب بي آهاتي . !
أنا اللي من عرفتك والسماء قوس ، ،وغلاك ألوان . .
وأرضي تعزف اهزوجة فرح لا جتْك خطواتي . .
وصوتك غيمة ٍ أحيت جفافي ، ،والوصل هتّانن
وحزن عمري يموت بضحكتكيا كل بسماتي . .
تعرف انك غلاي وراحتي ، ،وان التعب لا بان
يموت ان جيت لك يا اللي هواك أجمل حكاياتي . !
وتعرف اني على بساط انتظاري أجمع الأحزان . !
وأكبّلها إذا وصلك أخذني من متاهاتي !
أنا من قبل اعرفك ما لقيت لهالعمر عنوان !
سوى : حزن وأمل ضايع ، ، ويأسي هو مداراتي !
أنا من قبل اعرفك كنت أقول :إن "الغلا حقران"
وأقول ان "الهوى كذبه" ، ، قناعاتي كما الآتي :
قليل اللي صدق ، ، واللي يخون بهالزمن كسبان . !
كثير اللي يمرون ، ،وقِناعاتي قناعاتي . ! !
وجيت انت وعرفت اني بحكمي كنت أنا الغلطان ! !
وصرت انت القناعات ، ،وحنيني إتجاهاتي !
دخيلك ، ،
ما بقى فيني شعور يحتمل خذلان !
دخيلك ، ،
لا تخليني أسير ليأس راياتي !
أنا مدري عن اللي "لي تشيل" بداخل الوجدان ! ؟
"شعور بحب" أو "رغبة تشمّت بانكساراتي" !
وكل اللي ابي تعرف : أنا ما اقدر على النسيان . .
لأني جيت لك كلي ، ، وصعب أعيش بشتاتي . ! ! !
الإثنين مايو 18, 2009 8:58 am
