حسي
يادنيا بشكوتي وبلواي حسي
وعن وجهي غبار الضيم حسي
اضل اصرخ واصيحن بعلو حسي
لمن يادنياي تحسين بية
ونصه
سنة فاتت على فراكك ونصه
نظرتك قلله عني ونصه
نصيحة اليوم اسولفلك ونصه
ابعد لاتهيج الالم بية
منجم إله
اكو ناس الرذيلة منجمله
متميز الناكة من جمله
بعد ما اعرف كلشي من جمله
رطينة ودردمة وغيبة واذية
ماتسله
روحي ابابك واكفة ماتسله
وتدري انت العواذل ماتسله
شمتاني اسيوفك ماتسله
اذا للضيج مر الضيج بية
مالفاني
يضل خط الكرامة مالفاني
وشمالة الجفن بعدك مالفاني
اذا خطار طول مالفاني
اهدم البيت والطم بثنين ايدية
منلحمني
انة المكسور دومي منلحمني
اسد اجروح ربعي منلحمني
ابي وماكلت روحي منلحمني تلحك تستوي وتيطيهه ايدية
ولاعيب
صافي وخلل مابية ولاعيب
ولا اعرف الحجي الملوي والاعيب
وعذالي لا خجل تعرف... ولاعيب
فرق ولبينة بعد الثرية
رحمة الله ياشهيد
الإثنين سبتمبر 08, 2008 8:13 am
