عذبني بعد لتظن أكلك ليش
لان عمر الشجر ماعاتب الفاسه
ولاأكلك أجرد من صفات البيك
ياشيطان كبلك عاف وسواسه
محطه أنته أبدرب كل اليجي أيمر بيك
كلب ميت صرت وأمفارك أحساسه
مايذبل ورد لو ماتلزمه الناس
وأيموت الدرب لو ماجدم داسه
وصرت أنته جسر تنداس حته أتعيش
وماتكرب نهر من يعلن أفلاسه
أعرف معدنك بس همني ماي البيك
ترويني أشعلي أب معدن الطاسه
وأذا شفت الكلب مر بيك مر مجبور
وأظربلك مثل وأنطيك مقياسه
ال يدني القدح يم شفه يشرب ماي
مومعناه قبل مايك وباسه
البلبل لو ركع لمن أكل تنطي
مايركع الك بس ياكل أبراسه
موأنه الغشيم ألي ذي ايعاشر خيط
وأيشده أبركبته ويكطع أنفاسه
أنه أمن أرد أعاشر تاج يحظن ماس
تغله أشما تحيل وتعتك الماسه
ماعاشر سعف ييبس وتالي أيطيح
ولو يصفه حطب لو يصفه مكناسه
اتمنى ان تعجبكم .... اوراق الخريف
الجمعة فبراير 27, 2009 7:59 pm
