ابوذيات خنفشاريه

وصلة

يا طارش خذ معك مكتوب وصلة

للي ما كطع وياي وصلة

وكلة الكلب جان وياك وصلة

وغدة الف من جفاك الية

واناديج

دجاجة انت يالحبيبة وانا ديج

اقاقيلج بذاك الصوب واناديج

اهلج يردون مني ابيض وانا ديج

ليش هيجي يسوون بيه

ولا عود

انا الي ناوي اروحن ولا عود

ربابة ما تسليني ولا عود

ولا شخاط البقة بجيبي ولا عود

قوطية التتن حصرة علية

وشالك

يالي جنت مثل الغطى عندك وشالك

يا هنياله الي غفه يمك وشالك

لك ياهو الغيرك عني ووشة لك

تمر وما يحن كلب علية

وصلة

ياطارش خذ معك مكتوب وصلة

للي ما قطع وياي وصلة

وكَلة الكَلب جان وياك وصلة

وغدة الف وصلة من جفاك الية

صبيت

اساس بعشرتي وياك صبيت

وجنني الهوى وبالشوك صبيت

ان جان انت علية دموع صبيت

بجيت عيون من فركاك الية

وسعه
اريد اعبر صحاري النجف و أسعه

والكة حبيبي ابو عيون وسعه

يا حفار الكبر ارجوك وسعة

ترة واجب جفنة تدفنة سوية

وسل بيه

هذا الحلو كابلني وسل بيه

احس لوعة بكلبي صارت وسل بيه

يكلي احس حبك لاهو ايجابي وسلبي

اظنك طول الوكت تظحك عليه

ولا عاد

صدودك ذوبة لقلبي ولا عاد

كسرى ما حكم مثلك ولا عاد

مره بالشهر مرنة ولا عاد

تطفي بجيتك ناري السرية

ويهلك

احبك من صغر سنك ويهلك

واغار آنه من تحجي ويهلك

ليش اللي يحبك يتعذب ويهلك

حن يالكطعت الوصل بيه

ولا فار

لا جريذي بقة بداري ولا فار

ولا مي الحمة بجدري ولافار

ولاآنه مكمل الخدمة ولا فار

امشي والعريف يسوك بية

وصالح

وحك طه ونبي عيسى وصالح

ابغرامك بس آنه مخلص وصالح

تظل لشوكت تتزعل وصالح

حلاة العشك من نفرح سوية

ورمشاك

وحك عينك وحك جفنك ورمشاك

اظل طول العمر امشي ورة مشاك

الي بالكَلب منك ورم شاك

اطيبن من تحط ايدك علية

بعدنة

احباب الكلب شلون حالتكم بعدنة

شبدينة والزمن عنكم بعدنة

اذا انتو نسيتوا ترة احنة بعدنة

بذكركم كل صباح وكل مسية

موضوع رائع من شخص اروع عاشت الايادي

شكراااا اخي العزيز دوما رائع

يسلمووووووووووو

ررررررررررررررررررررروعه ياروعه.....

وحگ سورة برة وياسين ويهود..
وگلبي ماسكن فد يوم ويهود...
صارت رادتي عد ملة كفر ويهود..
لون اسلام چان حنو عليه@