ابو ذيات روعه

هاك اخذ الگلب بيدك اطحنه...
امس فوگ النجم واليوم طحنه...
شبدينه وبالعشگ ياناس طحنه..
غشيمه گلوبنه تحب الاذيه@

*****@@@*****

ازرع ورد واحصد شوگ وجني
وغرامك بألف لهبة نار وجني
يقاسي القلب دمعي حرگ وجني
ولا مرة عطف گلبك علية

*****@@@*****

عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه

*****@@@*****

.اليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه

*****@@@*****

الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه

*****@@@*****

تروح الروح بغيابك واردهه
وكتاب اجفاك يامدلل وردهه
روحي بغيابك ترى يذبل وردهه
ماي انته وترد الروح بيه

*****@@@*****

نحبكم ونحب كلمــــن ............. من هواكم
واتنفس ياترف تـدري ............. من هواكم
دليلي الماعرف سلوة ............. من هواكم
مسة بشوك ودموع واذية

*****@@@*****

عاشت ايدك حبي ابوذيات روعه دمت بودتقبل مروري

مشكور حبيبي الغالي نورت الصفحة

يسلموووووووو روووووعه تقبل مروري

الاميرة تمر وقت مايعجبها ........... ممنون عزيزتي منوره بمرورك

شكرا جزيلا على الموضوع وعلى المجهود الرائع الذي تبذله في المنتدى والى الامام وبالموفقيه وتقبل مروري المتواضع تحياتي لك

مشكورخوي دانه على الطرح الرائع
كلمات في قمة الروعه

شاكر مروركم وكلماتكم الحلوه ( عطر الزمان و دلع السعودية )
بالمناسبة اخويه عطر الزمان المنتدى رائع ويستاهل كل شي رائع واكيد وجودكم بي من الاشياء الرائعة

نورتوا الصفحة

روووووووعه كلهن حلوت عاشت ايدك

قارئ الفنجان

دمت بود

بس من ذوقك ياذوق ..... نورت الصفحة حبيبي

» صور روعه؟؟؟؟؟؟؟؟؟؟؟؟
» صور شنط روعه
» سيارات روعه
» صور مكياج روعه
» اسماء بلوتوث روعه