لاتمدين كفك ترا مالي يدين

ابيااات راقت لي

واتمنى تعجبكم

يا بنت ما فيه شيٍ يشارككْ الحنين
........... ماأقوى كلي جسد خـاوي سامحيني
قلتي أحبـك والمحبة بسِلمنا دين
........... يفنى العمـر وأنـا ما أوفيتلك ديني
لا تمدين لي كفك ترى مالي ايدين
........... من مصافح الفـرقى ضاعت ايديني
و لا تطولين النظر وتسألين بعين
........... الجـواب أكبـر من دمعةٍ في عيني
لي قلـب واحـد وهّبته من سنين
........... ولي قصـةٍ ولّت و زمـانٍ معاديني
ولي عمر واحـد عايشٍ به حزين
........... ضامي عشـق وما به شي يرويني
محسوب حي وانا ماني مع الحيين
........... ميت شعـور و في متاهتي دافنيني
أرقب وصلها العـذب في كل حين
........... يمكن تحن ومع نسمة الغربي تجيني
أقول بتجي وانا مـدري اهي وين
........... وأشتاق وشوقي مدري وين موديني
الحب نعمة لا تشاركو فيـه اثنين
........... هذاك يعطي وذا يوفي و متواصليني
وانتي وانـا في المحبـة ضدين
........... انتي تحبين وانـا مضيعنـي حنيني
اعرفي ان الهـوى قصة حبيبين
........... ضمتهم محبتهم وفي الحب متساويني
لا تقولين أحبك لواحـدٍ مسيكين
........... المحبـة عطـا وانـا وينك وويني !