سكونك حيل يعجبني

سكونك حيــل يعجبني...ويتعب قلبي الكتـــمان

عجزت أوصف..!!
عجزت أحكي ..
مشاعر قلبي الولهان...
ولكن!! بعض كلماتي .. لقلبك ليت أوصِّلها..

مدينه!! مابها حاكم ولا بيَّن بها سكَّان......
أحس براحتي فيها!! "لانك بدر ضاويها"

كتمت شهور [أحبك] وأدري بك لها ضميان..
حياي أجبرني أكتمها إلين الله يفرجها

[ أحبك ] ليتها منِّك ..!! تداوي خاطري الشقيان..
وتحملني على كف الوله والروح تسعدها

تصدِّق !! كل مافيني تبعثر لاطراك انسان
وتصبح حالتي حاله .. وربك كان يسترها

أنا احيي الليل بطيوفك..وأغنيلك بكل الحان
وأطلب ربي توصلِّك من ألحاني مشاعرها

أبي وسط الملى [ اصرخ ] ويملى صوتي الاركان
[ أحبك ] يابعد حيي بأعلى الصوت اردِّدها

تركت الكل واخترتك [ حبيبي ] سيِّد العربان
لاني شفت في حُبك من الاخلاق أسماها

سكونك حيل يعجبني...ويتعب قلبي الكتمان..
وسبحان الذي أعطاك من الاوصاف أجملها

ولامنَّه طرى اسمي على لسانك أظل فرحان
ولامنِّك مدحت أخلاقي تخجلني "فدت هالروح مادحها"

تظل بعيد... وفي قلبي... أقرب لي من الشريان
وكل نبضه تذكرنِّي ب روحك " ربي يحميها "

أنا واياك ابحرنا... وابعدنا عن الشطئان
ب قارب تجدفه بيدك فسفره صعب ننهيها

ولااسال وين ماخذني.؟؟ ومبعدني عن الاخوان
لاني حيل( آآآاحبك ) وعيني الحب عاميها

دخيلك ..؟؟ تابع الرحله ..وخل لحبنا عنوان
قلوبٍ صادقه تثمر من الايام أحلاها