غيبتگ لو هي دقيقـه تعتبـر صـدّه
الوقت دونگ سجن وغيابگ اسياجـه
لا تعتذر لي ترى ماعـاد فـي شـدّه
اعيد حگي ٍ يگود الصـدر مخراجـه
دامه يوصف بجـود ابيـگ وبجـدّه
وشلون تبخل على المجـروح بعلاجـه؟
ووشلون قاوااگ قلبـگ رده وصـدّه
مع انه بيّن عليـه الضعـف والحاجـه
ياقـو قلبـگ بـرد ايميـنـگ وردّه
بخلت بمصافحـه وارهيـت بحراجـه
لو ماسقى غيم عينه جرهـدي خـدّه
تـراه يبگـي وقلبـه يلحـق اخلاجـه
ولو شفته يمازحگ تـراه مـن جـدّه
الضحگ عن درب ضيق الصدر ماعاجه
غير الغلا والولـه عليـگ وش حـدّه؟
يـادرب ليلـه ويامسـراه وسراجـه
كنّه يعرفگ قبل يلقـاگ مـن مـدّه
مع ان مابينـگ ومـا بينـه امواجـه
هواگ بـدو ٍ نـووا للقلـب بالشـدّه
ورياض قلبي لشوف البـدو محتاجـه
والوصل..بحر ٍ متى انت بتسمح ابمدّه
السيف صبري وبحرگ شـح بامواجـه
قصيدي اللي قريتـه واللـي اعـدّه
قديـم لا يزعلـگ معنـاه واخراجـه
وفراغ قلبي غلاگ ارهى علـى سـدّه
ليتگ تشوف الغـلا وابراجـه وعاجـه
اقوى رياح العذل مـا تقـدر تهـدّه
والا الجفا لـو تنفـس هـدم ابراجـه
تغانـم الوصـل لـن البعـد لابــدّه
ياتيگ في يوم ثم ياخـذگ بادراجـه
اللي لي انك تليـن وتتـرگ الشـدّه
واللي لك اني ما سولف بگ لهراجـه
ولاني بزعلان واللـي نرتجـي مـدّه
يا بـاب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه
ما دام گل ٍ يبـي دربـگ ومنهاجـه
غالي وتبخـل علـي وتطّـول الصـدَه
الله يسامـح غـلاگ ويلعـن الحـاجـه
مع حبيـــ
مجنونة مجووودي
الأربعاء مارس 04, 2009 6:33 am
